De Gezeitenkunzerten 2022 gahn unner dat Motto „Horizonte“ in hör teihnte Spööltied. In de romantiske Spöölsteden up dat oostfreeske Halveiland komen weer Weltstars, benöömte Künstlerkoppels un vöölversprekende allerbeste junge Talenten – de Gipfelstürmers – up Visiet.
Dat Motto „Horizonte“ in de Jubiläumsspööltied steiht för grootaardige un spannende Utblicken up alls, wat bi de Gezeitenkunzerten komen mag – man ok för en dankbaar un deep Torüggkieken up de eerste negen Festivals. Mit Tokiekers un Frünnen un Förderers, de immer mehr worden, un tonehmende Berichten in de Medien ok over uns Kuntrei weg, sünd de Gezeitenkunzerten ut de düütsklandwied Festivalkalenner neet mehr wegtodenken. Se hebben heel seker neje künstleriske „Horizonte“ utfunnen.
Bekennte Musikerskes un Musikers ut de groot Künstlerfamilie laten sük in dit Jahr en Jubiläumsvisiet neet nehmen. Dat Publikum kann sük also up Christian Tetzla!, Tine Thing Helseth, Lars Vogt, Rudolf Buchbinder, Daniel Müller-Schott, Daniel Hope, Ulrich Tukur, Dominique Horwitz, Martina Gedeck, Martin Tingvall, Frank Dupree un en heel Bült annern freien.
„De Welt to Gast in Oostfreesland“ – disse Utkiek up de Gezeitenkunzerten word up wunnerbaar Aard un Wies van de vöölversprekende allerbeste junge Talenten un benöömde Orchestermusikers as de NDR Radiophilharmonie, dat Württembergische Kammerorchester Heilbronn of de jnp inrahmt. Uns Medienpartners NDR, Deutschlandfunk un Deutschlandfunk Kultur sörgen ok in dit Jahr daarför, dat bi de Gezeitkunzerten over de Region un de Landesgrenzen weg Utrooptekens sett worden Van de Klaveeravend mit Rudolf Buchbinder over dat Barockkunzert mit Maurice Steger bit hen na dat Komponistenporträt Sven Daigger, van dat groot Open Air mit de Nordwestdeutsche Philharmonie over de allerbeste Musik-Comedy van Igudesman & Joo, de Irish Folk van CARA bit hen to Omar Sosa un de NDR Bigband – för all Gefallen sall d’r bi de Gezeitenkunzerten up dat allerhoogste Niveau woll wat bi wesen un neje „Horizonte“ wiesen.
Ok för junge Lüü gi!t dat extra Angeboden: „Das Dschungelbuch“ mit Christian Brückner un dat „wilde Jazzorchester“ is en Familienkunzert för all van acht Jahr of an un dat in de wunnerbaar
Umgeven van de Freeilüchtbühn Wiesmoor. Un för elke Gezeitenkunzert gellt för junge Lüü: Intree blot 5,50 € för all Platzen ohn Inschränkens. Nettso besünners as uns Künstlers sünd ok weer de Spöölsteden up dat heel oostfreeske Halveiland: vertraut Dörpkarken, beindruckende Stadtkarken, wunnermoje Gulfhusen un Plaatsen – man ok Butengewohntes as dat Emder Van-Ameren-Bad of de Riedhall van dat Fresenpeergestüüt Brümmer. Bi uns kulinarisk un kulturhistorisk Utflüggten, de dat Programm smaals geleiden, laten sük butendeem de regionale Besünnerheiden van Oostfreesland utkukeluren.
To dat Keernfestival kummt in dit Jahr ok weer en Epilog. Freien Se sük up de musikaalske Brüggenboers Otto Groote un Bert Harders, en Benefizkunzert mit Matthias Kirschnereit un de mitrietende Klangwelten van Daniel Stelter, Tommy Baldu un David Orlowsky. Dat „Oldenburger Kindermusikfestival on Tour“ – mit de Blindfische, Toni Geiling un Maria Todtenhaupt – maakt in dit Jahr neet blot in Auerk man ok in Leer Station. Dat sall woll de Jungsten weer mitrieten!
Wieden Se mit de Gezeitenkunzerten de Blick up upregende neje „Horizonte“!
